17 persona kanë humbur jetën nga zjarri në një hotel në Indi

08:45 | 12 Shkurt 2019
A. B.

Policia në Nju Delhi tha se së paku 17 persona kanë humbur jetën nga zjarri në një hotel në pjesën perëndimore të kryeqytetit.

Zëdhënësi i policisë, Mandeep Singh Randhawa, tha se së paku katër të tjerë janë plagosur nga zjarri në hotelin Arpit Palace.

Shërbimi i zjarrfikësve iu përgjigj incidentit, ndërsa shpëtoi 35 vetë nga ndërtesa pesëkatëshe.

Autoritetet po vazhdojnë të hetojnë shkakun e zjarrit, njofton Rel.

Zjarret ndodhin shpesh në Indi për shkak të standardeve të dobëta të sigurisë dhe moszbatimit të rregullave.

Shpërndaje në rrjete sociale

Lajmet më të lexuara

Të ngjashme

Foto lajm